ZUHATZA

Kaixo

Berrobi eta Alkizako LH 3,4,5 eta 6. mailakoak Zuhatzara joan ginen irailak 27tik 28ra. Autobusa hartu genuen bederatzietan eta hamar terdietan iritsi ginen. Hamaiketan barku baten bidez Zuhatzako lakua zeharkatu genuen. Bertan gizon batek Zuhatza zaintzeko arauak azaldu zizkigun.
 Beranduago logeletara joan ginen motxilak uztera. Bost egurrezko etxetxo zeuden horietako bi Alkizakoenak, beste bi Berrobikoenak eta azkenekoa irakasleentzako.

 Geroago jinkana bat egin genuen irla ezagutzeko.
Ondoren bazkaltzeko ordua iritsi zen, bukatutakoan denbora librea eman ziguten.

 Lauetan gabarroira joan ginen bainatzera. Bost terdietan ekintzak hasten ziren bi ekintzen artean aukeratzeko esan ziguten. Bi aukera horiek piragua eta optimist ziren.

 Geroago dutxetara joan ginen. Dutxa eta gero berriz ere denbora librea eduki genuen. Zortzi terdiak iritsi zirenean jantoki alderuntz abiatu ginen afaltzera.
Afaldu ostean Nazio Arteko Estazio Espaziala ikusten geratu ginen Berrobiko LH5 eta 6. mailakoak. Hori ikusi eta gero logeletara joan ginen. Bertan jolasten eta hitz egiten aritu ginen, hamabietan lo hartu arte, baina kostatu zitzaigun.
Hurrego egunean esnatutakoan gosaltzera joan ginen. Hamarrak eta laurdenetan ekintzak egitera joan ginen. Ekintzak hauek ziren: piragua, optimist eta pedalo. Bukatutakoan berriz ere dutxetara joan ginen. Dutxak eta gero maletak jantoki ondoan utzi genituen eta gero bazkaldu egin genuen.
Bazkaldutakoan barkua genuen lakua zeharkatzeko. Gero autobusa hartuta Berrobira iritsi ginen  eta gero Alkizakoak Alkizara joan ziren.

Zuhatza