Gorputzaldiak 24-25 (LH 1-2)

 Lehen Hezkuntza 1-2 mailako ikasleen Gorputzaldiak saioak hainbat irudietan. Oporretaz gozatu!

OHOREZKO ARKUA

 Aurreko ostiralean izan zuten azken eskola eguna 6.mailako ikasleek. Orainarte gure eskola txikian hain gustura ibili ondoren, hemendik aurrerako bidean ere ederki ibiltzea opa dizuegu, talde ederra izan zarete!

Arkua eginez agurtu ditugu, bai beraiek eta baita ihesi joango zaigun beste txoritxo bat ere!

HORMIRUDIAREN INAUGURAZIOA

 Ikasturteko azken egunean, ostiralean, eskolako patioko bixigarri izango den hormirudi koloretsua inauguratu genuen. Iker Uribe margolari nafarrak lagundu digu lan horretan eta pareta ederra geratu zaigu.

Baratze bat nahi deitzut egin...

mila kolorez dantzan zuen, gure bihotzetan.

AGURNERI MEREZITAKO AGURRA

Egun on, Agurne, zure ondoan

bildu gara gaur gogo onez.

Sasoi berri bat hasiko duzu

erretiro on, bihotzez.

Berezia ta bakarra zara

esaten dizugu zinez.

Jarraitu ezazu dakizun modun

bizitza eder eginez.

     

                 
                                                        

 

 

IKASTURTE AMAIERAKO IRTEERA

 Ostegunean, egun osoko irteera egin genuen. Goizean Iruñeako Salting-era joan ginen eta hantxe ibili ginen salto eta zilipurdika leher egin arte. Gero Lekunberriko arbolazpi batean bazkaldu genuen, beroari neurria hartuz eta nola ez, beti bezala helatu bana jan genuen frexkatzeko.

     

               

UDARA ATARIKO TTIPI-TTAPA

 Oraingoan bai; aurreko asteazkenean izan zen ikasturte honetako azken Ttipi-Ttapa, udarari paseoan ongietorria eman eta ikasturteari amaiera emateko. Hor zaudeten gehienok ez duzue ia hutsik egin zita egindako asteazkenetan. Eskerrik asko benetan! Jarraituko dugu elkartzen!

EMANALDIAREN ZUZENKETA

 Egun on! Emanaldiko 6.mailakoen agurra ez zegoen hasieratik jarrita. Orain bai, zuzenduta!