Aurten ere izan dugu Mari Domingi eta Olentzeroren bisita. Jator asko etorri zaizkigu, gurekin kontu batzuk esan, eta nola ez, opari batzuk ekartzera. Guk abesti batzuekin goxatu dizkiegu belarriak; aurten Mari Domingi ere sartu dugu "Kax-kax atean" kantuan eta pozik entzun du.
Etorri berriz ere datorren urtean!
Aurreko ostiralean, eskola ingurua (patioa...) zaintzeko erabakiak hartzeko asanblada egin genuen. Behatokiko kide diren Aranek eta Asierrek saioa gidatu zuten eta gaiaren inguruko azalpenak eman zizkiguten. Aurretik, eskola ingurua nola zegoen behatu eta zeuden zaborrak bildu genituen. Bertan puskatzen diren gauzak konpontzea udalari asko kostatzen zaiola ere jakin genuen.
Guzti hau kontutan izanda, bi erabaki hartu genituen: zaborra dagokion tokian botatzea eta zerbait puskatzen badugu, gurasoekin hitz egitea, ordaintzeko ardura hartzeko.
LH 1-2 zikloko ikasleak espaziontzi berria eraikitzen egon dira plastikako saioetan, Berrobitar 1-2 izena du eta prest utzi dugu pasiloan aste honetan gainontzeko kideek ikusi dezaten kanpotik eta barrutik.
Hara nola bukatu dugun gaurko basoko buelta! Txirrista zaharrean, ia denok kabitu gara, bata besteari pega-pega eginda! Ederki pasa dugu!
Gaur Ixabel Agirresarobe, idazle usurbildarra, izan dugu bixitan. Amona Tomaxa eta sagarra ipuina idatzi zuen, "Mattin"-ek ilustratua, eta amona Tomaxaren komeriez gain, Patxi Putxi Ibargutxiren kontuak, sagarra jan zuen galtzagorriaren ipuineko puzkar soinuak, ilargia zergatik dagoen zikinduta eta beste kontu asko esan dizkigu. Kontalari aparta da Ixabel!
Euskararen astea ospatu dugu. Astelehenean nork bere Euskararekiko konpromezua idatzi genuen eskolako sarreran. Asteartean Maierrekin Euskararen egoerari buruzko hausnarketa egin genuen eskaini zizkigun tailerretan. Oso gustura egon ginen. Mila esker Maier.Eta gaur bukatzeko Karaokea egin degu. Primeran pasa degu!
Aste honetako lanak jarrai dezala urteko 365 egunetan.
Aurreko ostiralean ospatu genuen 2.Berrobi kantari. Planeten abestia, eitb maratoirako aukeratu duten "Eskutitza", "Marimore" eta "Nire gorputza" kantatu genituen, denon artean, plazan.
.jpg)
.jpg)
.jpg)